Material desberdinak

PLASTIKA LANTZEKO MATERIALA

Plastikako lanak egiteko,hainbat material erabil ditzakegu haurrekin,baina beti jotzen dugu material simpleetara.Materiala berria ,umeen irudimena lantzeko tresna garrantzitzua da horrexegatik hemen jarriko dut materialen zerrenda bat:

- Eskuak
- Margoak (plastidecor, argizariak, klarionak, pastelak, tenperak...)
- Plastilina
- Buztina
- Bestelakoak (guraizeak, azukrea, txokolate-hautsa, fruta, hostoak, harriak, loreak, zaborretarako materiala...)
- Paperak (pinotxo, zelofan, zetazkoa, landare-papera, ebakinak, aldizkariak, orriak, gometxak, kartulinak...)
- Irudiak (Mirorenak, Van Goghenak eta abar...)
- Tresnak: isipuak, neurri ezberdinetako espumazko arrabolak, sprayak...)

ZER GARAIKO ERAGINAK JASO ZENITUZTELA USTE DUZU? ZER GEHIAGO LANDU DAITEKE PLASTIKAN, ZUEN HEZKUNTZA HISTORIAN LANDU EZ ZENITUZTENAK?

ZER GARAIKO ERAGINAK JASO ZENITUZTELA USTE DUZU? ZER GEHIAGO LANDU DAITEKE PLASTIKAN, ZUEN HEZKUNTZA HISTORIAN LANDU EZ ZENITUZTENAK?

Hiru legediak irakurri ondoren LGE, LOGSE eta LOE honako ondoriora iritsi naiz: adinagatik LOGSE-ko legean hezitako ikasleak izan beharko genuke ( eta beste hainbat ikasgaiei dagokionez horrela garela uste dut) baina, plastikaren arloan LGE legediaren arabera hezitakoak gara.
Kontzeptu tradizionaletan oinarritzen ziren gure plastikako irakasleak. Klase gidatuak izaten ziren eta adierazmen kreatibo eta libreari ez zitzaion behar adineko garrantzirik ematen. Aldiz, teknika ugari ikasi genituen eta material ezberdinen erabilera.
Nire ustez, plastika ikasgaiak ere beste ikasgaiak bezala eguneroko errealitatearekin eta bertan ematen diren aldeketekin bat etorri behar du. Ikasleei jakinarazi behar zaie plastika ikasgaia baliogarria dela testuingurua ulertzeko.
Nire garaian ez genuen ikusmen kultura landu eta atzetik datozen haurrek baliabide gehiago dituzte ikusmen kulturan heziak izateko. Adibidez, museoetara irteerak egiten dituztenean, ikusmenezko istoriak sortzeko, kultura eta gure identitateari buruz erreflexionatzeko... gai direla erakusten zaie.
Jasotako legera bueltatuz eta gaur egungoarekin alderatuz, ikasgai honi lehen baino garrantzi gehiago ematen zaiola iruditzen zait eta pausu garrantzitsu bat eman du; hala nola, ikasleen iritzi kritikoa bultzatzeko, sormena indartzeko, artea errepresentatzeko, ikusmenezko kulturan parte hartzeko e.a.

Gabonetako galtzerdia

Eskulan hau apaingarri ederra izan daiteke gabonetan ipintzeko edota Olentzerok opari txikiak uzteko, Adi!

MATERIALAK:

• Feldroa
• Orratza
• Haria
• Lekeda zuria
• Errotulagailu beltza
• Botoiak

PAUSUAK:

1. Feldroa erditik dolestuko dugu eta errotulagailu beltzarekin galtzerdi bat marraztu eta moztuko dugu. 

 2. Galtzerdi biak ingurutik josiko ditugu, feldroaren kolore berdineko edo desberdineko haria erabili ahal duzue.

  3. Amaitzeko galtzerdia apainduko dugu: galtzerditik sakabanatuta botoiak itsatsi, eta ertz batean feldro zinta bat josiko diogu eskegi ahal izateko.

  

Prest dago, zuhaitzatik eskegitre utzieta olentzero etortzea itxaron!

KLIK! KLAK! birzikla!

zaramara botatzen duguna erabiliz,

nola egin gauza berriak eskolan

PAPER BIRZIKLATUA

Liburu hau Haur Hezkuntzako bigarren zikloan erabiltzeko da. Dena dela,

irakasle bakoitzak nahierara alda ditzake hemen bilduriko jarduerak; eta,

jakina, bestelako proposamenak egin ditzake. Eskulan hauetako asko

egokiak dira Lehen Hezkuntzako lehen zikloko ikasleentzat ere.

Liburu hau egiteko, hezkuntza-arloko geure esperientzia eta jardunbidea

hartu ditugu oinarritzat, baita, horrekin batera, neska-mutilek gure

ikasgeletan sorturikoa eta guk lankideengandik ikasitakoa ere.

Hasiera batean, baliteke jostailu eta tresna erosiak erakargarriagoak

izatea neska-mutilentzat. Baina ez dute irudimena lantzeko aukera handirik

ematen: amaiturik daude eta oso erabilera zehatzak dituzte. Haurrek

berek egindako jostailuekin, ordea, ez da horrelakorik gertatzen: haurrek

parte hartzen dute sortze-prozesuan, beren okerrak zuzentzeko aukera

izaten dute, beren gustuen arabera moldatu ahal dute azken emaitza.

Produktu irekia da eta irudimena garatzeko aukera ugari eskaintzen ditu.

Liburu honetan bilduriko jarduerak eguneko une desberdinetan egin

daitezke. Hainbat aukera dago:

* Hondakinetarako txoko berezia. Neska-mutilek beren kasa jardungo

dute hor, bakoitzak gura duena eginez. Aukeran, gai hori ikasgelako

beste txoko batzuetan ere ipin daiteke.

* Ikasgelako proiektuak. Taldeak erabakitakoaren arabera erabiliko dira

gaiak (gaztelu-proiektu batean, esaterako, gaztelua, apaingarriak,

tresnak eta abar egin daitezke).

* Tailerrak, hainbat gauza egiten irakasteko (esku-saskiak, pin-ak, otarreak,

haizemaileak...).

* Unean uneko jarduerak. Egun berezi baterako opariak, esaterako.

Gai horiek modu askotara erabil ditzakegu: jolaserako, lagungarri gisa,

oparitarako, ikasgelarako...

Gaiak biltzeko orduan, funtsezkoa da neska-mutilek parte hartzea: haiek

ekarri behar dituzte, eta senideek lagundu behar diete zeregin horretan.

Ikasgelan, gaiak sailkatzen eta antolatzen lagundu behar dute.

Hondakinak sailkatutakoan, jarduera erraz eta erakargarri baten bidez

aurkeztuko dizkiegu. Motibatzeko balioko digu horrek. Garrantzi

handikoa da neska-mutilek prozesuaren fase guztiak eta azken emaitza

ikustea. Gero, gaia emango diegu, eskuan erabil dezaten, azter dezaten

eta gura dutena sortzeko balia dezaten. Ez ditugu estutu behar: prozesuak

aurrera egin ahala neska-mutilek gero eta gogo biziagoa izango dute

lanean aritzeko. Gaiak erabiltzeak berak eta aurretiaz proiektatutako

zerbait sortzeak azken emaitzak baino atsegin handiagoa emango diete.

Guk, hezitzaile garen aldetik, euren proposamenak gauzatzen lagundu

behar diegu, adore eman, jarduerak iradoki eta pentsatzen lagundu,

bidean aurkitutako oztopoak gainditzeko modua asma dezaten.

Bakoitzak zer egin duen esan arte itxarongo dugu; orduan, egindako

ahalegina baloratuko dugu, dagokion neurrian.

Garrantzi handikoa da eskulan bakoitza amaitutakoan lan-prozesuari

buruzko gogoeta egitea neska-mutilekin batera. Zein gai aukeratu duten

eta nola erabili duten azalduko dute. Gogoeta ahoz, idatziz edo marrazki

bidez egin daiteke.

Taldea gai hori erabiltzera ohitzen den neurrian, apurka-apurka,

ahaleginak egingo ditugu ikasleek berek euren lana antola dezaten: zer,

zelan eta zerez egingo duten erabaki behar dute.

Saio bakoitzaren ostean, ordenaturik eta sailkaturik geratu behar du gaiak.

Taldea arduratuko da horretaz, ikasteko prozesuaren alderdi garrantzitsua

baita.

Liburua atalka banatuta dago, zarama-poltsa osatzen duten gaien

arabera. Atal bakoitzaren hasieran gaiaren deskripizio laburra aurkituko

duzu. Horrekin batera, gai horietako bakoitza fabrikatzeak eta deusezteak

dakartzan ingurugiro-arazo nagusiak ere azaltzen ditugu. Gainera, gai

horietako bakoitzaz egiten diren hondakin arruntenen zerrenda aurkituko

duzu. Proposatutako eskulanak egiteko erabil ditzakezu, baita zeuri

bururatzen zaizkizun beste batzuk ere.

Ikusi dugunez, hainbat gauza egiteko erabil ditzakegu etxean

zakarrontzira botatzen ditugun gaiak. Aplikazio praktiko eta zuzena dute

ikasgelan. Baina, horrez gain, beste eginkizun bat ere bete behar dute:

neska-mutilei erakustea garrantzi handikoa dela zaborretara bota ohi

duguna baloratzea.

Liburu honetan bildutako jardueren bidez, hezkuntza-prozesuaren hasiera-

-hasieratik irakatsi gura diegu neska-mutilei hondakinak berrerabili eta

birziklatu egin behar direla. Beste aukera bat eman behar diogu hondakin

bakoitzari. Zakarrontzira bota aurretik, zertarako erabil dezakegun

pentsatu behar dugu. Txiki-txikitatik hori ikasten badugu, askoz errazagoa

izango zaigu zaramarekin beste era batera jokatzea. Besterik gabe

zaramatzat hartu beharrean, kontuan izango dugu gauza askotarako erabil

daitekeen baliabidea dela.

Orain, zertxobait gehiago ikasiko dugu hiriko hondakin solidoei buruz

(zaramari buruz, alegia). Gizakiak hondakinak sortu ditu antzina-antzinatik.

Dena dela, aspaldi hartan, zabor gutxi zegoen, eta naturak eragozpenik

gabe asimilatzen zuen. Oso urriak ziren substantzia toxikoak eta

industriako produktu kimiko eraldatuak.

Orain arte naturan sekula egon ez diren substantzia berriak sortu ditugu,

eta oso zaila da horrelakoak deuseztatzea. Geu gara gainerako izaki

bizidunek ezin erabil ditzaketen hondakinak sortzen dituen izaki bakarra:

plastikoak, beira, olioak...; horiek guztiek urteak eta urteak ematen dituzte

lurzoruan deskonposatu edo desagertu barik.

Gero eta jende gehiago bizi da hirietan eta, gainera, ikaragarri handitu da

kontsumitzeko ahalmena. Hori dela eta, zarama gure garaiko ingurugiro-

-arazorik larrienetako bat izatera iritsi da. Batetik, modu egokian biltzen ez

bada, osasun eta higiene arazoak ekartzen ditu. Bestetik, Bizkaia bezalako

lurralde batean sortzen dugun zarama guztia gordetzeko behar adina

lekurik ez dago.

ZARAMA

Hainbat eskulan egingo ditugu hiriko hondakin solidoak gaitzat erabiliz.

Honakoa lortu gura dugu horren bidez:

* Neska-mutilei tokian tokiko ingurugiro-arazoen berri jakinaraztea.

* Ingurunea baloratzen eta errespetatzen ikastea.

* Ikasleak gure gizartean nagusi den kontsumismoarekiko sentikor

bihurtzea eta arduraz kontsumitzen irakastea, gauzei berez duten balioa

aitortuz eta zarrasteldu barik.

* Eskola eta familia bateratzea, ingurune bakarra osa dezaten.

* Sormenaren garapena eta gustu estetikoa sustatzea.

* Gauzak eskuez erabiltzeko trebetasuna lortzea eta garatzea.

HELBURUAK



Atal honetan, hainbat aholku emango dizkizuegu, eskulanak egitean

lagungarri izango zaizkizuelakoan.

ITSASTEKO:

1.- Barrako lekeda oso egokia da papera, artilea, oihala, poltsetako

plastikoa eta bestelakoak itsasteko. Garbia eta erabilerraza da. Beste

edozein lekeda-motak baino gutxiago hezetzen du papera. Berehala

lehortzen denez, lanean jarrai dezakegu lehortu arte itxaron barik.

Gainera, gura izanez gero, egin bezain laster zuzen dezakegu lana.

Berori dugu lekedarik egokiena adin txikiko neska-mutilentzat.

2.- Kola zuria oso egokia da kartoi gainean papera, kartoia, artilea, oihala,

materia organikoa, kortxoa, zura eta plastikoa itsasteko. Ogi-apurrak

gogortzeko ere balio du, eta paper-orea egiteko ere bai. Pigmentuz

nahasirik, pinturak lortzen dira. Gaiak hezetzen ditu eta, beraz, lehortu

arte itxaron beharra dago lanean jarraitzeko. Paper edo kartoi

margotuen gainazalean hedaturik, itxura satinatua ematen die. Pintzelez

zein eskuz aplika daiteke. Ur pixka batekin diluiturik, distira eta

sendotasuna emateko balio du (bernizadura).

3.- Alkyla oso egokia da erabiliko ditugun gaien gainazalak prestatzeko.

Poroak estaltzeko erabiltzen da zuran, kartoian, buztinean, eskaiolan...

Papera, kartoia, artilea eta bestelakoak itsasteko erabil daiteke, baina

ez da kola zuria bezain sendoa, urak eta hezetasunak bigundu egiten

dute eta. Eskulana amaitutakoan pintura mateei distira handiagoa

emateko ere erabil dezakegu (bernizadura).

LOTZEKO:

1.- Zinta eransgarria: koloreduna, enbalatzekoa, bi aldeetatik itsasten

duena edo zelo-papera. Mota guztietako paperak, kartoiak, plastikoak,

hariak, artileak, metalak eta beirak lotzeko balio du. Haurrek errazago

erabiltzen dituzte zelo-papera eta zinta eransgarri estuak zinta zabalak

baino. Erabilerraza da, garbia, erosoa eta erabiltzen azkarra. Nolanahi

ere, ez da gai guztietan berdin itsasten.

2.- Sokak, lokarriak, hariak, artilea, alanbre mehea eta kablea. Lotzeko,

kordatzeko, josteko eta eusteko balio dute. Haurrek, gehienetan,

helduek lagundurik erabili behar dituzte.

GAIAK ETA AHOLKU



3.- Mahaiko zein hormako grapagailuak. Paperak, kartoiak, plastikoak,

oihalak, artileak, zurak, kortxoa eta horrelakoak grapatzeko erabiliko

ditugu. Azkarrak, eraginkorrak eta erabilerrazak dira. Hala ere, haurrek

grapagailu txikiak soilik erabiliko dituzte, kontu handiz beti eta alboan

helduren bat daukatela.

4.- Plastikozko edo metalezko orratzak. Artilez, hariz edo kotoizko lokarriz

josteko eta kordatzeko balio dute. Haurrekin, artilerako jostorratz lodi

eta kamutsak erabiliko ditugu. Txikienentzat, plastikozkoak dira

egokienak.

EBAKITZEKO:

1.- Artaziak eta cutterra. Merkatuan, soslai desberdinak lortzen dituzten

artaziak aurki ditzakegu: artezak, ondulatuak edo horzdunak. Artaziekin

papera, kartoi mehea, plastiko biguna, oihala, artilea, haria, materia

organikoa, kortxozko xafla meheak eta horrelakoak ebaki ahal ditugu.

Haurrek punta kamutseko artazi txikiak erabiliko dituzte.

Cutterraz gairik gogorrenak eta lodienak ebakiko ditugu: kartoia,

plastikoa, kortxoa... Tresna arriskutsua da eta, beraz, helduek baino ez

dute erabiliko.

ZULATZEKO:

1.- Puntzoia eta iltzeak. Papera, kartoia, plastikoa eta materia organikoa

pikatzeko eta zulatzeko erabiliko dugu puntzoia. Haur Hezkuntzako

ikasgela gehienetan erabiltzen dute.

Iltzeekin metala eta plastiko gogorrak zulatuko ditugu, mailu baten

laguntzaz. Helduek bakarrik erabiliko dituzte.

PINTATZEKO:

1.- Punta eta lodiera desberdineko errotuladoreak. Meheenak, marrazteko

eta gauza txikiak margotzeko erabil daitezke. Lodienak, ostera,

gainazalak pintatzeko. Papera, kartoia, materia organikoa, zura eta

horrelakoak margotzeko erabiliko ditugu. Badira errotuladore bereziak

oihala, plastikoa, beira eta metala pintatzeko. Erabilerrazak dira haien

erabilera kontrolatuz gero.

2.- Argizarizko pintura bigunak, erdibigunak eta gogorrak. Papera, kartoia,

poliespana, oihala, zura, kortxoa, materia organikoa eta abar

margotzeko. Erraz erabiltzen dira eta emaitzak oso ikusgarriak eta

deigarriak izaten dira. Distiratsu geratzea eta ez zikintzea gura badugu,

kola zuri diluituzko edo alkylezko geruza bat eman dezakegu gainean.

PRAKTIKOAK



3.- Hatz-pinturak eta tenperak. Papera, kartoia, oihala, artilea, kortxoa, zura

eta materia organikoa margotzeko. Erabilerrazak dira, eta oso

atseginak haurrentzat. Akabera ikusgarria. Haiei esker, arinago

bukatzen dira lanak. Hainbat teknika dago gai hori aplikatzeko: eskuak

eta atzamarrak, lodiera desberdineko pintzelak, putz egitea,

estanpatzea, belakia, arrabola... Opakoa dute akabera, ez dira

urarekiko erresistenteak eta, batzuetan, arrakalatu egiten dira. Hori

gerta ez dadin, urez diluitutako kola zurizko geruza bat hedatuko dugu

gainean. Horrek, gainera, distira emango dio eskulanari.

Materia organikoa da gure zarama-poltsako gairik ugariena. Otorduetan

uzten ditugun janari-hondarrak dira nagusi zabortegietan. Antzina,

baserriko animaliek jaten zituzten eta, beraz, ez zioten inolako kalterik

egiten naturari. Soro-zelaietara botatzen ziren apurrak berehala

desagertzen ziren, naturaren berezko zikloan aise sartuta.

Gaur egun, ordea, hirietan gero eta jende gehiago bizi denez eta janari-

-hondakinak jaten zituzten animaliak hurbil ez ditugunez, materia

organikoa arazo larria da zabortegietan. Hara iritsirik, zanpatu eta lurrez

estaltzen dute, usain txarrik zabal ez dadin eta pertsona zein

animalientzako osasun-arazorik sor ez dadin. Deskonposatzean, gas sukoi

bat sortzen da: metanoa. Behar den moduan tratatu ezean, suteak piztu

ahal ditu. Bestalde, euriko urak deskonposatzen ari den materia

organikoa bustitzen badu, ur horrek produktu poluitzaileak arrasta ditzake

ibaietaraino eta lurpeko ur-isurietaraino.

Horregatik, hiriko hondakinen arazoa arinduko badugu, materia organiko

gutxiago bota behar dugu zakarretara. Horretarako, batetik, jango

duguna bakarrik erosi behar dugu, eta, bestetik, beste aukera bat eman

behar diegu astiro deskonposatzen diren gaiei.

BALIABIDEAK

* Frutak eta fruitu lehorrak: oskolak, azalak, haziak...

* Barazkiak: zurtoinak, hostoak, sustraiak, azalak...

* Okela eta arraina: hezurrak, lumak...

* Laboreak: ogi gogorra, ogi-mamia...

* Maskorrak, oskolak...

* Lorategietako landare-hondarrak, harea, kanaberak...

MATERIA ORGANIKOA

010987o

HAU BEHAR DUGU:

Laranja edo limoi batzuen azalak

Artilea edo kotoizko hari lodia

Alanbre lodi eta luzea

Jostorratz kamutsa

Tenperak

Artaziak

Pintzela

ZELAN EGIN?

1.- Artaziak erabiliz azalak zati irregularretan ebaki.

2.- Azal-zatiak alanbrean kordatu, batetik bestera tartetxo bat utzita.

3.- Azalak erabat lehortu

arte itxaron (egun

batzuk).

4.- Alanbrean kordaturik

daudela, pintzel batekin

margotu.

5.- Lehortutakoan, alanbretik

atera eta artilean kordatu

jostorratza erabiliz.

IDUNEKOA

Laranja zein limoien azalak erditik ebakita, honakoa ere egin dezakegu:

• Dortoka-oskolak, marigorringoaren edo kirikiñoaren gorputza,

eguzkiak, ilargiak, aurpegiak. Dortoka egiteko erabilitako teknika

bera baliatu

• Loreak, azala ataletan edo zerrenda batean ebakiz.

• Txontxongiloak. Gorputz-atalak ebaki eta euskarri baten gainean

antolatu.

eta gainera...

11

HAU BEHAR DUGU:

Fruitu lehorren oskolak: pipitak,

intxaurrak, hurrak...

Hostoak, loreak, belarrak...

(lehorrak)

Kartoia

Puntzoia edo artaziak

Tenperak

Kola zuria edo alkyla

ZELAN EGIN?

1.- Tamaina bereko obalo bi marraztu

eta ebaki.

2.- Markoa egiteko, obalo horietako batean

obalo txikiago bat marraztu eta ebaki edo

pikatu.

3.- Fruitu lehorren oskolak kolaz itsatsi markoan.

4.- Beste obaloa tenperaz margotu eta markoaren

gainean itsatsi.

5.- Dena bernizatu kola zuriz edo alkylez.

6.- Koadroaren erdian hosto, lore eta belar lehorrak

itsatsi, norberak gura duen irudia eginez.

Motiboren batez apain daiteke. Kasu honetan, tximeleta ipini dugu,

karamelu baten paperaz egina.

MARKOAK

• Argazki-albumak, oparitarako kutxak eta bestelako gauzak

apaintzeko erabil ditzakegu gai horiek.

eta gainera...

12

HAU BEHAR DUGU:

12 arrautza-oskol erdi

Dozenako arrautzontzi bat

(kartoizkoa)

Lurra

Haziak (perrexila, dilistak,

garia...)

Tenperak

Pintzela

Kola zuria edo alkyla

ZELAN EGIN?

1.- Arrautzontzia tenpera berdez margotu barrutik eta kanpotik. Norberak

gogoko duen erara apaindu. Bernizatu.

2.- Hamabi arrautza-oskol erdiak arrautzontziaren alde bateko hutsuneetan

ipini.

3.- Lur apur bat ipini oskol bakoitzean.

4.- Haziak erein, eta erne arte itxaron.

Beste minilorategi bat egin dezakegu pinaburu ireki batean. Irekiuneetan

haziak sartu eta pinaburua ontzi baten gainean jarri ur apur batekin.

MINILORATEGIA

Kartoizko arrautzontziak hau egiteko ere erabil ditzakegu:

• Txontxongiloak. Arrautzontzi biren beheko atalak albo batetik

elkartu, margotu eta paper batez estali. Gura duzun animalia

pintatu paperean.

• Bitxiontziak.

• Tulipak. Kartoizko arrautzontzi bat banakako ataletan ebaki.

Petaloak egiteko, atal bakoitzari ebaki batzuk egin (diagonalean).

Zurtoina egiteko, berriz, edateko ziritxo bat sartu erditik.

eta gainera...

13

HAU BEHAR DUGU:

Labore-kutxa bat edo horren antzeko

beste kutxaren bat

Ogi gogorra, itsaski-maskorrak, perrexil

lehorra, fruta eta barazki desberdinen

azal lehorrak, arrautzak, baratxuri eta

kipulen azalak

Patatak, baratxuriak, kipulak eta

horrelakoak biltzeko sareak

Egunkari-papera

Kola zuria edo alkyla

Pintzela

Tenperak

Artaziak edo puntzoia

Zelo-papera

ZELAN EGIN?

1.- Angeluzuzen bat markatu kutxaren goiko aldean, gutxienez 2 cm-ko

marjina utzita.

2.- Kutxan markatutako angeluzuzena pikatu edo ebaki.

3.- Kutxaren alboak egunkari-paperez forratu.

4.- Kutxa pintatu.

5.- Aukeratutako gaiak kutxa barruan itsatsi, norberak

gura duen konposizioa eginez.

6.- Kutxa eta konposizioa bernizatu.

7.- Sarean bildu kutxa osoa, ondo estuturik. Atzetik eutsi zelo-paperez edo

sarea ixten zuen errafiarekin.

KONPOSIZIO LIBREA

Honakoa ere egin dezakegu gai horiekin:

• Giltzatakoak. Kartoi baten gainean fruitu lehorren oskolak, fruten

hezurrak, haziak eta horrelakoak itsatsi eta kola zuriz gogortu.

eta gainera...

14

HAU BEHAR DUGU:

Txirimoia lehor baten azalaren erdia

Pistatxa-oskolak

Kakahuete-oskolak

Egunkari-papera

Kartoia

Argizarizko pintura gogorrak

Kola zuria

Pintzela

Puntzoia

Artaziak

ZELAN EGIN?

1.- Lehortu eta zimurtu aurretik, egunkari-paperez bete txirimoia-azalaren

hutsunea, dortokaren oskola egiteko.

2.- Dortokaren burua: kakahuete baten oskola itsatsi txortena

kendutakoan txirimoia-azalean geratu den hutsunean.

3.- Buztana: txirimoia-azalaren beste aldean koskatxo bat egin eta pistatxa

baten oskola itsatsi hor.

4.- Kartoian zilueta bat marraztu eta pikatu edo ebaki. Txirimoia-azalaren

forma eta tamaina bera izan behar ditu.

5.- Kartoizko zilueta dortokaren oskolaren azpiko aldeari itsatsi.

6.- Lau pistatxaren oskolak itsatsi hankak egiteko.

7.- Begiak eta ahoa pintatu argizarizko pinturaz.

8.- Dortoka osoa bernizatu.

DORTOKA

Honakoa ere egin dezakegu txirimoia-azalarekin:

• Bestelako animaliak: sagua, kirikiñoa, marigorringoa..., bakoitza

dagokion moduan apaindurik.

• Mahai erdian jartzeko lorontziak, belar eta lore lehorrekin.

eta gainera...

1

GABONAK DATOZ!

Kaixo lagunak! Gabonak heltzear daude eta gabonekin batera etxea dekoratzeko irrikak!
Hona hemen zuhaitza dekoratzeko bolak, elurrezko panpinak... egiteko jarraibide batzuk.Begira begira hemen!

Haur eskulanak

Open publication - Free publishing - More eskulanak

Mozteko eta koloreatzeko eskulanak

Open publication - Free publishing - More manualidades